مصر يا حببتى يا قلبى المتقطع

مصر ياحبيبتى
ياقلبى المتقطع
ياحتة من دمي
وفى قلبى متوزع
ابنك..
فى كل حتة مرمي
اشكيلك همه
واحكيلك همي
ولا اقولك..
ع كرامته
فى كل حتة ..
عليها مجني
ولا اقولك..
ع راسه
فى كل حتة محني
يبوس الجزم
او الجزم عليه تهري
ولا اقولك ايه..
بلاش ابنك دلوقتى !
ترابك ..
بقت نار بتلسوع
خلت الكل يمشي
على مرأى ومسمع
ولا اقولك..
سماكي..
بقت بالمطر بتندع
كل فين وفين
والخير من علينا ترفع
ولا اقولك..
آثارك..
رمز بطل استجدع
كل أثر كان
له اصل وحكاية
واحد شاطر
فى هندسة
طب ورماية
حتة حتة بتتباع
وتتشمـــــــــع
مصر ياحبيبتى
ياقلبى المتقطع
ياحتة من دمي
وفى قلبى متوزع
حكايتك معايا
ابتدت من صغري
اقول نشيدك
مانا حافظه دوغري
أرفع علمك
او ارسمه
وأنادي بإسمك
أو اكتبه
فى كتاب دراسات
او نشيد عربى أحفظه
يفور دمي
لما أشوف حد يشتمك
مشكيش همي
واخد بتاري
وأكرمــــــــــــــك
حلمي كان
اتاخد امن دولة
او اتمسك
بدافع عنك
ولا اشافش يوم دمعتك
شفتى الفرق
بين دلوقتى واللى كان ؟!
شفتى اللى حصل
فى حلمي زمان؟!
بعد ما كنتى حبة الرمان
والشاطر حسن
فى رضاكي تعبان
بعد ماكان وكان وكان
بس مش انا
مش أنا ..
اللى اسيب
زى ما سيبتى
ولا انا اللى اهجر
زى ما روحتى
مستنيكي ترجعي
تنوري المكان
أميرة العطف والحنان
نصرة الضعيف والغلبان
عالية.. شامخة
ضد أى عدوان
وتيجي وتطردي
اللى علمونا الحرمان
مستنيكي ترجعي
ع نفس المعاد
فى نفس المكان
فى قلبى الولهان
لترابك مشتاق
ولنيلك عطشان
مستنيكي ترجعي
يامصر ياحبيبتى
ياقلبي المتقطع
ياحتة من دمي
وفى قلبي متوزع

انتا اللى مألفها بجد يا سيبفبس بصراحة رووووووووووووووووعة

اه والله انا الى مالف دا
وانا بعرف االف كويس
كل الناس بتقول كدا