dikooo
عضو مبتدأ
 عدد الرسائل : 9
العمر : 45
السٌّمعَة : 0
تاريخ التسجيل : 20/05/2009
 |  موضوع: فى حب مصر  الجمعة مايو 29, 2009 11:49 am | |
|
ميت ألف فرصة عشان أسيب مصر... ولا عمري سبتها
علشان هي بلادي... إللي بجد بحبها
بحبها بكدبها وصدقها
بحب فيها أصالة وندالة أهلها
بحب فيها السهر
بحب زيفها وأصلها
بحب فيها طلعة الشمس... تنور وشها
بحب فيها القمر... طالع يغازل حسنها
بحب فيها المشي... على شط نيلها وبحرها
بحب فيها بناتها... راسمين ملامح شعبها
دي بنت مايصه... وحاطه ورده فـ شعرها
ودي بنت جد... ونازله جري لشغلها
هتلاقي فين بلد فيها الكنايس والجوامع... بتحضن بعضها
مسلم مسيحي... إخوات راضعين طيبة من صدرها
نبع الحنان... ويناموا حاضنين أرضها
هتلاقي فين تاني... بلد كل حاجه فيها تخليك تحبها
هتقولي ظالمه... هقولك برضو بحبها
هتقولي ضالمه... ما هو ده سواد شعرها
هتقولي زحمه... هقولك علشان بنعشق أرضها
هتقولي فيها فساد... هقولك ده من طيبة شعبها
جرب كده تسهر ولو وحدك على ضف نيلها... وحبها
جرب تشوف بنت حلوه مع شاب واقف جمبها بيحبها... شايل في قلبه هموم الدنيا كلها... وبرضو بيحبها
جرب كده تاكل دره وترمس على شطها... وتشوف وشوش الناس واضحك زيها
طب وانت ماشي لوحدك ووقعت في مشكله... مش بتلاقي ألف واحد جمبك بيحلها... لا تعرفهم ولا يعرفوك بس جمعكم حبها
أهي هي دي مصر...
زاحمه ظالمه...
فاسده ضالمه...
مش مهم...
ده كفايه خفت دمها...
هأفضل لمصر أقول وأعيد...
أنا أصلي عاشق أرضها...
وطبعا ده كله كلام في الهوا...
أنا لو تجيني نص فرصة هقول لها...
بالسلامه يا مصر...
ومش عايز أشوف وشها...
وهي دي بقى ندالة أهلها
| |
|
سندريلا
نائب المدير
 عدد الرسائل : 196
العمر : 36
السٌّمعَة : 29
تاريخ التسجيل : 25/11/2008
| | موضوع: رد: فى حب مصر الثلاثاء يونيو 23, 2009 2:18 pm | |
| كلام جميل جدا يا ديكو واهلا وسهلا بيك ف المنتدى ويا ريت متحرمناش من الكلام الجميل ده
بس يا جماعة المنتدى دا شكله كده هيتقفل قريب عشان الندالة كترت ههههههههههههههههههههههههه | |
|
M_adel
BIG BOSS
عدد الرسائل : 491
العمر : 35
رايق
السٌّمعَة : 54
تاريخ التسجيل : 18/11/2008
| | موضوع: رد: فى حب مصر السبت يونيو 27, 2009 8:14 am | |
| ههههههههههههههههههههههههايه الجمال ده يا ديكو والله منور المنتدى | |
|
alaa0000
مشرف
عدد الرسائل : 392
العمر : 46
السٌّمعَة : 18
تاريخ التسجيل : 21/02/2009
| | موضوع: رد: فى حب مصر الأحد يوليو 05, 2009 10:05 am | |
| | |
|
