اولها بوسة واخرها حوسة

بوسه و اخرها حوسه

اه يا اعصابى خلاص مش قادر استحمل فيديو كليب مليان مناظر و حركات خلاص تعبت تسيب التليفزيون و تنزل للشارع تلاقى نفسك على مسرح كبير لعرض احدث الموديلات و الصيحات ايشي قصير … ايشي ضيق و ايشي
و ايشى وانتوا عارفين الباقي ..

و الشاب فينا ماشي بيلف حوالين نفسه مش عارف يبص قدامه و لا وراه ولا يركز شمال ولا يمين محاصر من كل ناحية ..

و يبدأ المخ يصور كل المشاهد ويترجم .. و الشاب فينا يبقى نفسه يجرب و لو لمره واحده … كل اللى بيشوفه ده نفسه يحسه …

نفسه يجربه ..

و يطفى النار اللي قايده جواه ….

وتبتدي الرحله و ابدأ ارسم و اخطط
و انا مش شايف غير حاجه واحد بس هى المتعة … المتعة اللي ممكن اخدها لما امارس الجنس مع البنت …

و لازم اوصل لها حتى لو بحتة ورقه
و اسمها ايه .. جواز عرفى … و لكنه ولا هو جواز ولا غيره … و المهم يعني ان ببقى مش شايف غير الناحية ديه المتعة و بس ..

و ناسي انها عمله لها وجهين زي ما اتخيل انها هاتديني .. هتاخد مني …
و ناسي اني انا انسان له كيان ومشاعر ونفس و عّمال بسكينه اجرح في نفسي … و اقطع في عروق انسانيتي ..

وكل يوم الاحساس بالذنب يزيد ويزيد لدرجة انها توصل اني مش طايق نفسي
و دايماً حاسس نفسي قليل .

حاسس اني عريان و مهزوز دا حتى الحاجة اللي اللي كنت عمال ارسملها واخطط لها بقيت قرفان حتى اني افكر فيها ..

حاسس اني متكتف بحبال تقيله عماله تلف حواليه لدرجة اني دايما مخنوق فاقد الثقة في نفسي .. و في كل حاجة في الحياة وشايف نفسي قليل وعندي شعور بعدم الامان ..

و كأن الموضوع عامل زي السيجارة بحس بمتعة وانا عمال اشرب و من الناحية التانية عماله تدمر فى من جوه …

زي بالظبط الخروف يمسكوه يربطوه و عشان يسحبوه بيمسكوا في ايديهم حزمة برسيم علشان يمشي معاهم و ياعيني عليه المسكين عمال يجري
و هو مش عارف انهم بيسحبوه علشان يدبحوه .

و انا احيانا ببقى كده عمال اجري و مش عارف اني بدبح في نفسي

دا ربنا سبحانه و تعالى لما خلقني عملني انسان حي له كيان
و اراده و كرامه .. ممكن للدرجة ديه ارمي كل ده و اجري وراء حاجه شكلها من بره متعه لكنها بتسيب جوايا سم بيعيش في نفسي طول عمري
.....
...
..
.
مع تحياتى
عمو القرصان

على رأيك يا عمو
والله بقت حاجة وحشة جداااااااااااااااااااااا

الواحد بقى مش عارف يعمل ايه بس

بس كل اللى نقدر نقوله

حسبى الله ونعم الوكيل

في البنات وفى الشعب وفيك انتا كمان

مشكوووووووووووووووووووووووووووور